सांगोला: प्रतिनिधी
फॅबटेक टेक्निकल कॅम्पस कॉलेज ऑफ इंजिनिअरिंग अँड रिसर्च सांगोला महाविद्यालयातील मेकॅनिकल इंजिनिअरिंग विभागात शिक्षण पुर्ण केलेले कुमार आकाश जरग यांची "कमिन्स इंडिया लिमिटेड" कंपनीत कॅम्पस प्लेसमेंट मधुन निवड झाली असल्याची माहिती संस्थेचे सचिव डाॅ. अमित रूपनर यांनी दिली.
१९६२ मध्ये स्थापन झालेल्या "कमिन्स इंडिया लिमिटेड" कंपनीने भारतातील सर्वात मोठ्या संस्थेचा दर्जा प्राप्त केला आहे. हि कंपनी देशातील डिझेल आणि नॅचरल गॅस इंजिन चे उत्पादन करत आहे. या कंपनी मध्ये तीन व्यवसाय युनिट समाविष्ट आहेत. जागतिक स्तरावर १०० हून अधिक वर्षाचा आणि भारतात ६० हून अधिक वर्षाचा वारसा लाभलेली "कमिन्स इंडिया लिमिटेड" कंपनी आहे. अशा कंपनीत फॅबटेक कॉलेज मधील मेकॅनिकल इंजिनिअरिंग विभागात शिक्षण घेतलेले कुमार आकाश जरग यांची कॅम्पस प्लेसमेंट मधुन "कमिन्स इंडिया लिमिटेड" कंपनीत निवड झाली आहे.
फॅबटेक टेक्निकल एज्युकेशन सोसायटीच्या अध्यक्षा श्रीमती नीलवर्णा बिरासाहेब रूपनर, उपाध्यक्ष भाऊसाहेब रूपनर, सचिव डॉ. अमित रूपनर, कार्यकारी संचालक दिनेश रूपनर, इस्टेट डायरेक्टर डॉ. संजय आदाटे, व्यवस्थापक प्रतिनिधी प्रा. प्राजक्ता रूपनर, प्राचार्य डॉ. रविंद्र शेंडगे, उपप्राचार्या डाॅ. विद्यारणी क्षीरसागर, ट्रेनिंग अ‍ॅण्ड प्लेसमेंट ऑफिसर प्रा. धनंजय शिवपुजे, मेकॅनिकल इंजिनिअरींग विभाग प्रमुख प्रा. राहूल औताडे आदींसह महाविद्यालयातील सर्व शिक्षक व शिक्षकेत्तर कर्मचाऱ्यांनी अभिनंदन करून पुढील वाटचालीस शुभेच्छा दिल्या.
.jpg)
